CotaBoii（aka Taco）加盟後首個粉絲見面音樂會 重現《造星V》表演曲目 全場感動跟唱

憑真人騷《全民造星 V》嶄露頭角的CotaBoii，帶點傻氣又充滿玩味的說唱 (rap) 曲風，贏得不少樂迷的注視。日前(3日) CotaBoii 舉行首個「Mr. Nobody - CotaBoii 粉絲見面音樂會」，廣邀《造星V》的戰友齊齊演出，CotaBoii 一口氣唱出〈Cota Heaven〉、〈4am freestyle〉、〈青山道〉及〈PEACE〉，輕快節奏的歌曲為粉絲見面會掀開序幕。

緊接是《造星 V》戰友的演出，Tomy (何家銘)、Maico (鄭仲豪)、Mark (陳鴻翔）、Lok Lok (羅樂)、AB (Aaron Bosco)、Jason Loi (雷濠權)、Carson (李嘉俊) 及KaKit (鄧家杰)等先後為樂迷獻唱。其中 CotaBoii 重組節目中的藍組 D隊，為樂迷送上〈致未來的我們〉，全場齊齊合唱，讓整個場地充滿感動又熱血的氛圍，他們又唱出節目主題曲〈前傳 (Legends) 〉，載歌載舞炒熱氣氛。

然後，CotaBoii 請來師姐區子琳 (Paula) 獻唱〈上載中〉，兩人其後更合唱〈甩身〉，CotaBoii 感謝師姐的支持，謙虛表示要向對方好好學習。除了有師姐加持，同門師弟 Cheeseekit 亦有份於見面會演唱其作品〈They Say〉，讓樂迷投入他的 Hip-Hop 世界。接著 CotaBoii 以 Hip-Hop Crew - Special Plan 成員身份現身，送上一連串節奏感強勁的歌曲。

來到尾聲，CotaBoii 當然要為樂迷帶來他的新歌〈Mr. Nobody〉，更為大家送上驚喜，獻唱近期創作作品〈國王的新衣〉，台下歡呼聲不斷，人海中的燈牌、名牌，讓 CotaBoii 非常感動：「好多謝咁多位粉絲嘅支持同愛錫，我真係冇想像過自己可以擁有粉絲見面會，冇佢哋都完成唔到今次呢個演出，希望快啲有下次、希望下次可以喺更大嘅場地見到大家。」

CotaBoii 又感謝台前幕後及演出歌手的幫忙，他說：「第一次出騷本身真係好緊張，但係咁多人嚟撐我、幫我，令成件事玩得好順暢，真係好唔容易。簽咗唱片公司，其中一個目標就係希望更多人聽到我嘅音樂，至少畀個機會我將自己嘅音樂帶畀唔同嘅人認識，上月初正式出咗第一首派台新歌，咁快就可以有自己嘅見面會，真係好夢幻。《造星》戰友們就唔使講，真係好多謝佢哋咁鼓勵我，無論我做咩佢哋都撐我，所以今次一定要預埋佢哋玩。」提到師姐為他擔任演出嘉賓，CotaBoii 再次感謝對方：「佢真係好好，之前佢帶我去唔同舞台演出，今次輪到我有機會可以邀請佢！」

完騷後，CotaBoii 的好友們搞笑送上超長紅色布條，喻意星途長紅，更用紅布包裹他全身，誓要由頭紅到尾。CotaBoii 笑謂：「好癲呀，估唔到佢哋咁癲，仲要攞條布包住我，今次真係由頭紅到尾，哈哈，我都希望可以承佢哋貴言，大紅大紫！」

至於〈Mr. Nobody〉已有逾 16 萬點擊，CotaBoii 坦言好聽的歌自然有人留意：「咁當然好開心有 16 萬點擊，不過我對自己都有信心㗎，唔係點敢拎出嚟畀大家聽。」他希望自己的音樂可以傳播到更多樂迷的耳中，讓更多人認識 Hip-Hop 音樂的文化。