黎智英案第72日審訊｜周達權：飯盒會談及「反政府運動、黑暴」 黎指要引外國關注

壹傳媒創辦人黎智英與《蘋果日報》3 間相關公司，被控「串謀勾結外國勢力」等罪，案件周三（8 日）在西九龍裁判法院（暫代高等法院）展開第 72 日審訊，第六名控方證人、壹傳媒集團營運總裁兼時任財務總裁周達權第二日作供。

周供稱，自他任職營運總裁後，每周參與由黎主持的「飯盒會」，主題與反政府運動和「黑暴」有關，黎會作出指示。周又指，《蘋果》推出英文版、「一人一信救香港」等，引起外國關注香港反政府行動，「或者佢哋所謂嘅『警暴』，咁亦都希望得到外國嘅支持，咁或者係再厲害啲，就係制裁啦」。

控方完成提問，料辯方周四（9 日）展開盤問。另外，辯方提出，擬重新傳召前壹傳媒行政總裁張劍虹出庭，就著《蘋果》工作平台 Slack 的紀錄提問，法官杜麗冰表示周四再考慮辯方申請。

相關報道：
實時更新｜黎智英案第72日審訊 周達權確認有份處理黎私人戶口

周稱相信同事獲黎批准而為黎批款
官問是否「橡皮圖章」

控方繼續就黎智英名下公司提問，周達權供稱加拿大公司「Lais Hotel Properties Limited」由黎智英另一間公司持有，於 2010 年之前成立，他本人與黎助手 Mark Simon 為公司董事，業務與壹傳媒無關，主要管理加拿大酒店，但他沒參與日常運作。至於離岸公司「Chartwell」，周稱是黎名下的台灣公司，他亦沒參與當中運作。

控方展示 2019 年 4 月 25 日、由黎名下的力高顧問有限公司助理財務總監 Linda MENDOZA 發送予周、Mark Simon 之電郵，提到 Mark Simon 的計劃涉 200 萬美金，「請回覆電郵，批准黎智英 SCSB 美元帳戶付款請求」，周翌日回覆「全部批准」。周庭上解釋，電郵中的「SCSB美元帳戶」是指黎個人的上海商業儲蓄銀行美元帳戶。

法官李運騰詢問，這是黎的個人銀行帳戶，為何需要周的批准？周稱「我嘅批准，係批准個 payment request form（支付要求表格）」，讓黎私人公司的核數師查核紀錄，「我係跟返我上手一路咁樣做落嚟」。

周表示，若 Mark Simon 計劃獲批准，就會發出付款請求，「我相信黎生 approve（批准）咗，呢個係會計部有嘅程序」，Mark Simon 再向 Linda 傳送電郵。李運騰聞言指，周沒看佐證文件、僅相信 Linda 便批核，可算是「橡皮圖章」？周稱「如果係咁講，可以係咁講，但係最尾因為呢個戶口係黎先生私人戶口，如果張 cheque（支票）或者 remittance（匯款），都係要黎生佢簽返嘅」。

周：不需過問 Mark Simon 計劃內容

他又指，不清楚 Mark Simon 計劃內容，「因為如果寫 Mark’s project，我係唔需要問⋯Mark Simon 同我講，黎生同意呢樣嘢」。李運騰再問，周不論如何都相信 Mark Simon 說法？周稱「咁以往都有其他關於 Mark 嘅 project，都有畀過錢，黎生見到個 report 都冇任何嘅異議，咁我覺得係佢冇講到大話囉」。

另外，控方展示 Mark Simon 於 2019 年 6 月 27 日向 Linda 傳送的電郵，提到要墊支登報費，要求對方向李宇軒開出 500 萬元支票。周稱，電郵內所指的廣告費，「我理解係一啲文宣廣告」，又指自己不牽涉在內，Mark Simon 予他電郵密件副本，僅因他每月要製作關於黎個人支出的報表，不知道該 500 萬元來源。

控方展示 Mark Simon 年終獎金紀錄
周：黎私人予他指「嗰年工作做得好」

針對 Mark Simon 在壹傳媒的角色，周稱他沒有正式職銜，「就係黎先生嘅私人助理」，替黎執行壹傳媒、私人公司上的決定，周亦會聽從其指示。

控方展示 2019 年 12 月 10 日、周與黎的 WhatsApp 紀錄，周提到 Mark Simon 過往四年的年終獎金是 20 萬至 30 萬美金，黎回覆跟 2018 年一樣，即 20 萬美金。周庭上解釋，年終獎金並非由壹傳媒予 Mark Simon，而是黎私人予他，「我嘅理解 bonus 係你嗰一年工作做得好」。

周：「飯盒會」談及反政府運動、「黑暴」

控方另圍繞《蘋果》「飯盒會」提問。周確認，2019 年至 2020 年期間，自他任職營運總裁後，每周均參與由黎主持的「飯盒會」。周憶述，會上討論員工提出的問題，再由黎作出決定，當時黎亦會談及對「反政府示威」的看法。若會議與報紙相關，話題大多涉及「反政府運動、『黑暴』」，黎會作出指示「例如需要多啲人注意，或者可以令到外國有關注」。

周又舉例，會透過推出《蘋果》英文版、「一人一信計劃」、《自由之夏》特刊，以吸引外國關注。當中《自由之夏》特刊有中、英文版，與「反政府示威」相關。周補充，當時希望外國關注香港反政府行動，「或者佢哋所謂嘅『警暴』咁囉，咁亦都希望得到外國嘅支持啦，咁或者係再厲害啲，就係制裁啦」。

周：黎覺得外國支持重要
可令反修例運動成功

針對《蘋果》網上版，周稱「飯盒會」曾討論要多報道反政府示威、示威者，「令到多啲人同情佢哋，呢啲最主要都係啲 video（影片）嚟」。至於《蘋果》英文版，周稱，他須確保準時成立英文版《蘋果日報》，「睇住個進度」。周又形容，成立英文版是為了讓外國、尤是美國政要閱讀《蘋果》，以爭取他們的支持，因為當時黎覺得外國支持重要，令到反政府、反修例運動可以成功。

至於《自由之夏》特刊，周稱特刊是為了「記錄返佢哋認為嘅警暴，吸引返啲讀者，同埋想增加多啲力量」，而當時 Mark Simon 亦要求過「我攞二千幾本」，包括中文版及英文版刊物，用作海外派發，即美、英等地。周提及，當時中英文版的淨收益捐予 612 人道基金。

有關「一人一信行動」，控方展示周與黎的相關訊息，黎稱「紙信有蘋果 logo 而且傳媒一定會印出來和報道，有助我們之後推廣美國人訂閱蘋果」，周則稱「會立刻跟進」。周庭上指，當時他聯絡張劍虹及印刷廠準備印信，並解釋「如果要一人一信寄去畀特朗普，咁個聲音會好大囉，咁亦都會有好多注意力囉，咁從而希望多啲人去 subscribe、去訂閱《蘋果》」。

HCCC51/2022

法庭線 The Witness Facebook 專頁

法庭線 The Witness Instagram 專頁

法庭線 The Witness YouTube 頻道