麗英新歌MV自肥與男主角親密接觸 邀知音Serrini填詞同賞美男子

試問有邊個唔鍾意睇靚嘢?你有無麗英咁勇於承認先?麗英 2024 年首支派台歌 《美男子圖鑑》找來全新製作班底—由梁嘉茵(Serrini)填詞、Matt Chow 作 曲、編曲及 T-Ma 監製。歌曲直接描繪對美男子的喜愛，坦白承認鐘意睇靚 嘢、鍾意靚嘅嘢絕對是人之常情。

Serrini 笑言受啟發:「希望今年可以 date 夠 12 個星座」 談到鍾情靚仔，麗英和首次合作的填詞人 Serrini 絕對是百份百互相認同。「講 到對靚仔嘅熱愛，我相信 Serrini 會好明白我熱愛靚仔嘅心情!而且佢亦都係我好耐之前已經想合作嘅填詞人，我好喜歡佢嘅風格，因此就促成今次合作!」

二人一開始傾談歌曲風格時，麗英給 Serrini 的感覺是非常活潑可愛，因此Serrini 在創作時刻意投入幻想—到底麗英的戀愛觀是怎樣呢:「原本麗英跟我 說希望有好多靚仔會 date(約會)，所以創作美男子圖鑑，其實係講緊我哋有 好多個選擇。無論係男仔或者女仔、你嘅取向係點樣都好，我希望表達嘅都係 應該 keep 住自己有多啲選擇，要開放自己嘅心去 date 多啲!所以我好鍾意個 副歌『Date 你、Date 我』，唔需要太介意或太擔心去限制咗自己嘅選擇。所以 我寫完呢首歌嘅歌詞之後都好啟發到我，希望今年可以 date 夠 12 個星座嘅 人，不過我暫時只係完成咗一個星座，我會努力去完成!」

自肥找「小薯茄」成員以外當 MV 男主角 麗英直言小鹿亂撞 《美男子圖鑑》MV 拍攝找來四分一泰國混血兒 Saito(莊世圖)飾演小島上送 牛奶的美男子，而麗英則是居於島上、對他一見種情的女孩，她坦言拍攝過程 有不少親密接觸的戲份:「有一場戲份的確係好近，因為我要坐喺 Saito 單車後 座、喺石灘上面拖手，我都的確好緊張、直程有小鹿亂撞嘅感覺!喺石灘上面 我哋有一幕要好近咁對望，我直程有啲怕羞!」

為了吸引對方，麗英不惜一切吸引對方注意，到最後才發現原來所有花巧的物 質外衣都不能吸引到他的焦點，反而嚇怕了對方;經過自省、換個清醒的戀愛 腦，麗英發現以真實的自己示人，才是真正的魅力所在。「大家在愛情路上都 必須舒舒服服、坦誠的做自己，跟隨自己的步伐去尋找適合自己的人。過多的 包裝或顧忌，反而失去了你的光芒。」