電影LOL︳麥克華堡親認 拍《無間道風雲》因呢件事搞到唔愉快

《無間道》都可以話係港產片其中一個高峰，票房好之餘，仲吸引到大導演馬田史高西斯垂青，買下版權拍成荷里活版，仲搵到Leonardo DiCaprio同Matt Damon演西人版陳永仁同劉健明。另一位男星麥克華堡Mark Wahlberg所演嘅警探Dignam，普遍被認為係將吳廷燁演嘅張sir，同無間道第三集嘅楊SIR（黎明飾演）糅合而成。

Mark Wahlberg早前接受podcast節目訪問，就自爆 拍《無間道風雲》時曾經因為一件事而令佢感覺不爽。Mark 話當年拍完《血盟兄弟》(Four Brothers)之後，另一套戲《超級欖人王》同《無間道風雲》差唔多時間開工，而Mark 嘅安排係拍《無》中間請5個星期假去拍《超級欖人王》，然後再喺《超》同《無》2邊劇組開工。

由於《超級欖人王》中Mark Wahlberg飾演70年代嘅欖球員，造型上髮型偏長，因此劇組幫佢駁髮。Mark Wahlberg憶述，到佢返去拍《無間道風雲》，劇組人員話佢啲駁髮太長，叫佢拆。Mark哥節目中話「個駁髮搞咗8個鐘？我梗係唔拆啦」，因此佢同《無間道風雲》劇組人員及導演嘈過下。

睇返三套戲劇照，當年首先拍嘅《血盟兄弟》Mark Wahlberg係all back頭，之後《超級欖人王》係懷舊中長髮型，於是《無間道風雲》個頭睇落有啲尷尬﹐Mark哥都話當時唔少人問佢係咪帶假髮。

雖然有摩擦，但Mark Wahlberg憑Dignam一角獲提名奧斯卡最佳男配角，而作為故事發生地波士頓長大嘅街坊，Mark Wahlberg話睇完《無間道風雲》個劇本就讚佢自己個角色寫得好，仲力求真實呈現當地嘅地下世界咁話喎。

更多電影文章

電影LOL 今期睇咩戲︳捉鬼敢死隊：冰封魅來／熱辣滾燙／奇蹟列車／窗邊的小荳荳／劇場版 角落小夥伴 奇幻的玩具工廠／非誠勿擾3／幪面超人555 20th PARADISE REGAINED

電影LOL︳新占士邦人選落實？男星Aaron Taylor-Johnson被傳接任新一代007

電影LOL︳《大力水手》傳拍真人版電影 其實香港一早拍過……

電影LOL︳《周處除三害》被台導演指控抄襲 法院批准可扣押3千萬台幣財產

電影LOL︳《綠野仙蹤》350萬元道具紅鞋失竊奇案 76歲疑犯落網坐住輪椅上庭

電影LOL︳唔敢搏？媒體人爆料 Marvel擬叫停《Marvel 隊長》《永恆族》《蟻俠》

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！