電影LOL︳崔岷植柳海真新片好得人驚 韓片《破墓》開畫4日230萬人入場完勝

早排介紹唔少泰國同台灣鬼片，呢期輪到韓式驚嚇！上周末奪得韓國票房冠軍嘅新片《破墓》，開畫4日入場人次迫近230萬人次而成為票房冠軍。亞軍係喺當地上映2周嘅《旺卡》，上周末入場人次被《破墓》大幅拋離9倍，好得人驚。

故事居於洛杉磯的一個富裕家庭經歷一連串超自然事件後，請來年輕的女巫花林（金高銀 飾）和法師奉吉（李到晛 飾）拯救家中的新生兒。當他們一抵達目的地，花林便感應到祖先的陰影籠罩著這個家庭，即「墳墓的召喚」。花林向一流的風水師尚德（崔岷植飾）與葬儀師永根（柳海真 飾）尋求幫助，四人在某個偏僻的村莊發現了墳墓，在不知道後果的情況下，他們挖開墳墓，卻意外釋放了埋藏在地下的邪惡力量……

四位主角當中，最吸引小編嘅係2位演技派男星崔岷植同柳海真！崔岷植好戲唔使多講，睇過《原罪犯》好難唔愛上佢，喺預告片中崔岷植演嘅風水師將泥土放入口去感應靈氣，幾個鏡頭已經feel到氣勢，難怪劇組寧願等足一年，等崔岷植拍完另一套劇《地下菁英》先開鏡。而擅長演平民百姓嘅柳海真今次演禮儀師，相信又會有另一番驚喜。

《破墓》導演張宰賢強調套戲唔係宗教片，而係表達人同土地嘅關係，因為佢細個喺鄉下見過有百年歷史嘅先人墳墓，因為起公路而要遷移，整個過程令導演印象深刻。電影入選早前嘅柏林影展，將於3月初喺台灣上映，香港應該好快有得睇。

更多電影文章

電影LOL 今期睇咩戲︳「鬼滅之刃」 絆之奇蹟，邁向柱訓練／怒潮／特權樂園／我們從末日開始

電影LOL︳港產女同志電影《從今以後》奪柏林影展泰迪熊獎 一個原因令李琳琳出山演出

電影LOL︳《你的名字》新海誠得力拍檔 日本動畫監製涉兒童色情罪行被捕

電影LOL︳今年賀歲片興偷同搶！台灣票房冠軍《還錢》偷完又還搞乜鬼？

電影LOL︳贏足一倍！《音樂傳奇卜馬利：人生愛與夢》北美開畫大勝《蜘蛛夫人》

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！