電影LOL︳吳彥祖加盟關繼威主演新片With Love 一齊打打打

憑《奇異女俠玩救宇宙》獲奧斯卡最佳男配角嘅關繼威，將於明年二月上映嘅新片With Love升呢成為男主角。而外媒Deadline今日爆料指，同關繼威一樣與香港大有淵源嘅吳彥祖將會參演呢套戲。

一度係港產片御用男主角嘅吳彥祖，近年主力喺美國發展，較為人知嘅作品包括同「狼人」Hugh Jackman合演電影《回憶潛行》（Reminiscence），以及由大熱劇集《西部世界》（Westworld） 中飾演Jay一角。而早前吳彥祖同關繼威已經喺另一套劇集American Born Chinese碰頭，該劇仲有楊紫瓊、秦漢主演。

外界暫時對With Love所知不多，只係有報導提及過會係動作片，而電影公司相當口密，連故事大綱都未見公佈。開拍With Love嘅片商Universal 搵咗另一廠牌87North合作，而近年87North近年拍咗好幾套口碑唔錯嘅動作片，包括暴力版聖誕老人電影《殺神夜》，同埋將於4月上映嘅《特技狂人》。至於導演人選都係動作指導出身嘅Jonathan Eusebio，加上關繼威都曾經做過動作指導，相信With Love嘅動作戲份會係賣點！

除咗關繼威吳彥祖之外，奧斯卡最佳女配角Ariana DeBose都會參演With Love。電影2025年2月5日北美上映嘅檔期，喺正《美國隊長》新片及《藍精靈》動畫前一個禮拜，同出年大年初一（1月29日）相當接近，唔知片商會唔會考慮安排喺兩岸三地當賀歲片咁上？有得諗喎。

更多電影文章

電影LOL 今期睇咩戲︳12怪盜／哥斯拉 x 金剛：新帝國／功夫熊貓4／名偵探柯南 vs. 怪盜基德

電影LOL︳韋史密夫掌摑事件2年 名下慈善基金捐款銳減 近年幾乎停運

電影LOL︳肥Amy莉寶韋遜開名鬧「波叔」係大賤人 原來10年前就有牙齒印

電影LOL︳麥克華堡親認 拍《無間道風雲》因呢件事搞到唔愉快

電影LOL︳新占士邦人選落實？男星Aaron Taylor-Johnson被傳接任新一代007

電影LOL︳《大力水手》傳拍真人版電影 其實香港一早拍過……

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！