電影LOL︳台片《周處除三害》內地突圍 4日票房收1.4億人民幣

農曆年過後，內地電影市場當然有所回落。由於大片《沙丘瀚戰2》未有同全球其他市場一樣，喺內地同步上映（3月8日先上），剛過去嘅周末，內地票房成績最好嘅係去年喺台灣上映嘅台片《周處除三害》。根據內地貓眼票房最新數字，《周》上映4日已經收1.4億元人民幣。

《周處除三害》竟然喺尺度幾手緊嘅內地獲批上映，都幾出人意表。故事講述阮經天喺黑幫大佬葬禮上尋仇後匿藏4年，因為發現患癌得返半年命而打算自首，偶然間佢得知自己係警方通緝名單上排名第3。為咗成為No.1，阮經天決定「搞掂」排喺前面嘅兩個通緝犯……片中不乏暴力場面、幫派鬥爭等，內地版當然會刪走部份，但根據內地網民評論，唔少人都覺得內地版《周處除三害》尺度比想像中大。

另一樣要處理嘅係政治元素，因為片中有鏡頭影到「內政部」、青天白日滿地紅旗等，電影公司要blur咗呢啲畫面，又或者以放大再cut走嘅方式避一避。由於有畫面喺試映時仍然出問題，電影公司好驚險地到上映第2日先將修改版本送到戲院。

撇除呢啲唔難想像會遇見嘅難題，《周處除三害》喺內地豆瓣網得到唔錯成績，而且全國排片場數幾日間升到7萬至8萬，升幅超過一倍！《周》呢個案例可見，電影點先過到當局審批，當中空間真係有好大彈性。

更多電影文章

電影LOL 今期睇咩戲︳沙丘瀚戰：第二章／可憐的東西／北極百貨的秋乃小姐／月光之下

電影LOL︳《奇異女俠玩救宇宙》導演Daniel二人組 新片2026年夏天上映題材極保密

電影LOL︳崔岷植柳海真新片好得人驚 韓片《破墓》開畫4日230萬人入場完勝

電影LOL︳港產女同志電影《從今以後》奪柏林影展泰迪熊獎 一個原因令李琳琳出山演出

電影LOL︳《你的名字》新海誠得力拍檔 日本動畫監製涉兒童色情罪行被捕

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！