雅虎香港新聞 電影LOL︳今年賀歲片興偷同搶！台灣票房冠軍《還錢》偷完又還搞乜鬼？
今年3套港產賀歲片當中，有2套主線都係偷同搶 － 《盜月者》要偷錶，《臨時劫案》擺明搶。相信事前冇夾過，但今年台灣本土賀歲片《還錢》故事都係由偷錢引發，咁蹺嘅？不過《還錢》玩多一個twist － 偷完再還！
《還錢》講述由神偷張博駿（陳柏霖 飾）率領、戰無不勝的竊盜集團，過年前潛入銀行金庫，悄悄執行有史以來最大金額嘅10億元竊盜案。團隊中有易容大師斌叔（李銘忠 飾）及鬼才駭客小高（蔡凡熙 飾）裡應外合，再由最強打手文昊（林哲熹 飾）防守護衛。本應完美的任務，點知遇上黑吃黑，意外令張博駿前女友沈舒玟（蔡思韵 飾）捲入案件。為了保護舒玟，成隊人不得不將偷到嘅錢交還，不過搶錢容易還錢難，點先可以完成任務？
對香港觀眾而言，《還錢》其中一個亮點可能係蔡思韵，今次係佢第一次擔任台片女主角。Cecilia拍過ViuTV劇《短暫的婚姻》而被觀眾認識，2019年參演賣座台片《返校》演老師，唔少人以為蔡思韵喺香港被賞識再去台灣發展，查實佢喺台灣讀大學，仲係台北藝術大學戲劇系主修表演架。而蔡思韵男友劉俊謙近期都因為Netflix劇《此時此刻》喺台灣人氣彈起。
講返《還錢》，雖然係賀歲片但就冇特別硬插喜慶元素，玩「還錢」亦算係神偷片中有趣嘅扭橋。而最驚喜嘅可能係特別演出嘅吳慷仁，佢飾演嘅富二代自以為是，而且一口ABC口音，戲份雖少但夠搶鏡，果然係影帝！
今年台灣新年檔期各電影票房表現唔算太突出，口碑唔錯嘅《還錢》雖然成為全台賀歲檔新片票房之冠，但至今只係剛剛過3千萬新台幣，以台片計成績唔太突出。順帶一提，今年台灣新年檔期最好數嘅，係少少爆冷嘅《SPY X FAMILY CODE：WHITE》，呢期得佢唯一累收過億新台幣。
更多電影文章
電影LOL︳贏足一倍！《音樂傳奇卜馬利：人生愛與夢》北美開畫大勝《蜘蛛夫人》
電影LOL︳劉德華新片《紅毯先生》內地上映7日突宣布撤檔 香港如期月底上映
電影LOL︳香港賀歲檔票房公布《飯戲攻心2》收2129萬力壓MIRROR三子主演《盜月者》
電影LOL︳賈玲激減50公斤有回報 新片《熱辣滾燙》成內地賀歲檔票房冠軍
電影LOL︳《從前的我們》導演浪漫喜劇新作 美國隊長Chris Evans搭格雷女十足超級英雄片
按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！
