陳淽菁陳淑蘭一度反目20年 導火線同蘭子前男友有關？

同屬港姐出身嘅陳淑蘭同陳淽菁（原名陳芷菁）份屬多年好友，但原來二人一度交惡二十年，陳淑蘭甚至喺專欄寫文數臭對方。「雙陳」喺伍仲衡同周國豐主持嘅《週五有周伍》網上節目，提及當年「反面」原因。

陳淽菁同蘭子本來有幾friend? 原來陳淽菁同大律師老公張錦榮係經陳淑蘭認識，而張係蘭子前男友嘅好友。至於友情變質內情，陳淑蘭訪問中憶述，當時佢同祈文傑拍拖，但係蘭子同陳淽菁之間有位朋友挑撥離間，「提醒」蘭子小心淽菁。「佢話當時同我拍拖嗰個男朋友會鍾意陳淽菁多啲，如果佢（陳淽菁）鍾意祈文傑，祈文傑根本唔會揀我」。

蘭子又提到，祈文傑試過問佢，如果有兩份禮物，佢會揀玉戒指定係近代畫，蘭子答玉戒指，祈就話「淽菁就會揀近代畫，因為佢有文化吖嘛」，令蘭子相當無癮。

陳淑蘭同陳淽菁2001年開始冇來往，蘭子話二人冇鬧過交，但承認自己潑婦罵街，甚至喺專欄刊登以《我為什麼憎恨陳芷菁》為題嘅文章，擺明唔妥。不過陳淽菁喺節目表示，佢亦同張錦榮發展時，蘭子同祈文傑拍緊拖而且祈相當錫女友。陳淽菁話從未嬲過陳淑蘭，只係覺得對方細路女脾氣，聽到人地嘅說話而受影響，而且蘭子之後有同佢講唔好意思。

2022年，陳淑蘭同陳淽菁出席同一個飯局而破冰，並得知當年係一場誤會。蘭子同淽菁和好之後，曾經同淽菁媽媽道歉，對方就話從未怪責蘭子。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！