蘇韻姿離巢TVB仍獲《愛·回家》熊家人慶生 再與脫無者朱智賢食飯慶祝

2016年參選港姐入行嘅蘇韻姿（Andrea），憑TVB處境劇《愛·回家之開心速遞》「紅衫魚」熊心如一角成功入屋，但疑因工作態度問題未有改善而遭雪藏，上年年初劇情交代熊心如要跟前男友朱天梯（梁証嘉飾）到歐洲視察廠房離開香港，之後就再冇喺《愛·回家》出現，去到今個月頭佢就喺社交網站出PO宣布離巢消息。雖然佢已經離開TVB，不過《愛·回家》熊家人都有為佢慶生，令佢感動不已。除咗熊家人之外，另一離巢小花朱智賢（Ashley）亦有同佢食飯慶祝生日。

蘇韻姿繼日前與熊家人慶祝生日後，佢再與好姊妹朱智賢外出食飯慶祝，並喺社交網站上載靚相及寫上：「When someone is more excited for your birthday than you, swipe to see who #hejustwantscake Thank you for the love @ashley_ellabel」（有人比你自己更加緊張自己生日，滑動去睇下係邊個，多謝您的愛。」呢個PO一出，唔少網民除咗紛紛留言送上祝福之外，仲大讚佢好靚女。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！