舒淇生日馮德倫搞驚喜派對賀結婚8週年 罕有公開錫咀甜蜜照

馮德倫同舒淇2016年突然宣布結婚至今已經8年，而二人仍不時放閃。早前馮德倫趁舒淇生日，post咗太太多年前影嘅娘爆造型照，舒淇就幽默留言「算盤已備好」，暗示叫老公跪算盤謝罪，網民睇見都話甜到爆。

舒淇4月16日生日，馮德倫趁喺台灣出席品牌活動，為老婆舉辦驚喜生日派對，同時慶祝結婚8週年。馮德倫同舒淇以中式結婚禮服現身，而佢地多位圈中好友都有出席﹐包括舒淇好姊妹林熙蕾、「台灣第一名媛」孫芸芸、舒淇御用造型師Roger（鄭健國）、張震、蕭敬騰、楊謹華等。而馮德倫當晚更自彈自唱氹老婆，仲拉埋蕭敬騰上台幫手和音。

舒淇喺個人IG發文多謝老公，寫道「感謝你這麼多年的包容與陪伴，謝謝你為了今天所佈置的一切，想說的話太多 ～ 謝謝你 謝謝你 謝謝你 ～結婚週年紀念日快樂唷 LOVE U 」，仲post咗派對上夫妻甜蜜親吻照，閃爆！

馮德倫同舒淇1997年拍《美少年之戀》而相識，當時傳過緋聞但雙方俱否認。後來馮德倫同莫文蔚交往，舒淇就同黎明發展中，各自回復單身後，二人喺2012年秘密開展戀情，到2016年拍《俠盜聯盟》時即興結婚，外界先知佢地相識20年，默默從好友變成戀人！

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！