林奕匡再登The First Take演唱 帶埋黃妍葉巧琳首唱從未曝光新歌？

早前林奕匡登上日本音樂平台The First Take演唱成名作《高山低谷》，獲得不俗迴響，片段推出至今2星期，收看次數接近70萬次。

而The First Take尋日預告，將會喺星期三晚推出另一段由林奕匡、黃妍及葉巧琳喺The First Take合唱嘅片段。三人以藍色調嘅造型現身，準備演唱前葉巧琳向2位拍檔做出心心手勢打氣。同上次一樣，準備好之後林奕匡微笑向工作人員表示We’re Ready。

雖然預告片中未有提及會唱邊首歌，但唱片公司近期宣傳三人即將推出嘅合唱歌《藝術與科學》，而且已經安排The First Take出街當晚喺商場舉行新歌發布會，估計佢地好大機會喺The First Take將新歌首度曝光。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！