挖呀挖黃老師回應「下海傳聞」 自揭身份已轉變？

湖北武漢幼稚園黃老師去年開始於社交平台拍片教唱兒歌，其中一首改編兒歌《小小花園》爆紅，被封「挖呀挖老師」，曾開直播與網民互動聊天吸引逾10萬人同時觀看，又有唔少人贊助及送禮，連佢自己都忍唔住於直播中激動表示收入超過10年工資。不過，瞬間爆紅嘅背後也遭眾多是非纏身，包括被攻擊其外貌拿走美顏濾鏡後相差甚遠、出席飯局等等；早前，黃老師更疑似被造黃謠，令黃老師忍無可忍，終就事件作出回應。

早前，有陸媒報道指，有網民於多個社交平台發布一張疑似黃老師嘅女生低頭坐在酒店床上嘅圖片，以圖文並茂嘅方式指黃老師下海，又表示黃老師加到人民幣30,000元（約港幣33,218元）先肯出來，惹起熱議。黃老師前日（28日）拍片交代一切，指自己已由黃老師變成「帶自己娃的黃媽媽」，無諗到喺照顧孩子嘅呢段日子經歷網絡造謠：「當時我覺得清者自清，直到登上熱搜才發現，當髒水向自己潑來時，清者自清是沒用的」，於是，黃老師冷靜下來後搜集證據，包括截圖ID及言論去當地公安局報警，之後將會配合警方調查。網民反應兩極，有啲網民覺得黃老師矯揉造作，喺到刷存在感，又覺得佢做得網紅賺咁多錢肯定有人講，有啲網民就表示支持黃老師：「小黃老師你很棒，你不只是一個好老師也是一個好媽媽，更是一個好公民，請相信法律正義」、「老師你做的真的超棒的！女生真的無時無刻都在被傷害，不要陷入自證陷阱是真的很重要」、「網路不是法外之地，支持黃老師用法律武器保護自己」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！