張振朗舊愛陳芷尤爬頭結婚 挨實男友晒鑽戒：有人偷走了我的心

張振朗舊愛陳芷尤於2011年參選港姐，其後入讀TVB第25期藝員訓練班並簽約發展演藝事業，惟一直發展平平，故陳芷尤於2019年離巢，並返回家鄕新加坡發展，憑住電影《新兵正傳》為人熟悉，先後接拍多套電影及網劇，佢亦曾透露待遇片酬均比以前好。陳芷尤轉戰新加坡後機會多多，事業得意；愛情原來亦得意。昨日（13日），陳芷尤PO出依偎在男友懷內手拖手騷鑽戒嘅照片，公布婚訊好消息。

陳芷尤分享多張與男友嘅甜蜜照片，其中一張為求婚照。從照片中看到，求婚地點應該係遊艇到，二人站喺船頭合影，身旁則有氣球、玫瑰花及「MARRY ME」燈牌。陳芷尤寫道：「This year, another thing to be thankful for…Someone stole my heart, so I’m stealing his last name.（今年，還有另一件事值得感激，有人偷走了我的心，所以我偷了他的姓。）一眾網民及藝人朋友都有留言祝福，包括楊潮凱、江嘉敏、孫慧雪、譚凱琪等等。

陳芷尤上一段戀情對象為張振朗，當年與張振朗緋聞傳得㷫熻熻，直至分手時才正式承認有過一段情；據知，分手原因係女方頂唔住張振朗多女埋身。不過，張振朗就曾剖白真正分手原因係因為大家追求嘅嘢和目標唔同咗。陳芷尤近日接受媒體訪問時就直言與未婚夫唔係拍咗好耐拖，但大家有好多共通點，婚宴將會喺明年新加坡和香港舉辦。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！