雅虎香港新聞 年糕推薦2024︱入行35年甜品廚自製開心果年糕！100%開心果磨醬 超濃果仁香
年糕食得多，加了開心果醬的年糕你試過未？這間小店由一位做了甜品三十多年的大廚主理，以非常濃郁的開心果醬加入年糕中，果仁味滿瀉！即睇Yahoo Food專訪：
「因為開心果始終係硬殼果仁類，要混合年糕又要做得幼滑，就係功夫所在。」Pistacia Bros Cuisine店主Rocky
年糕款式越出越多，當中以噱頭gimmick為多，真材實料的是少數。觀塘這間是餐廳同是糕餅小店的“Pistacia Bros Cuisine”一向主打開心果口味蛋糕、甜品、西餐。上年推出開心果味年糕，反應不錯，首年已經賣到300底。店主兼大廚Rocky是資深甜品廚，做了甜品35年，他更是朱古力專家，曾於Agnes b朱古力製作部擔任主管，手勢可靠。
👉🏻全新Yahoo Food Instagram上線啦！立即Follow獲取更多飲食攻略
由新鮮開心果磨成醬做成的開心果年糕，色澤甘綠帶光澤，不暗啞。
100%開心果磨醬
開心果年糕不是前所未見，坊間都曾有見聞。Rocky做的開心果年糕，亮點在於用100%開心果磨成醬，不加水或其他配料，再混合傳統年糕成分像澄麵（無筋麵粉）、糯米粉等，開心果味特濃。「做年糕，成份其實都係嗰幾款，重點當然係開心果醬。就算我幾年前開始接觸開心果甜品，已經有啲認識，但研究呢個年糕時都換咗十次食譜，因為開心果始終係硬殼果仁類，要混合年糕又要做得幼滑，就係功夫所在。」Rocky說。
開心果年糕要幼滑 關鍵是…
先說開心果，Rocky說市面上大概分為美國及伊朗兩種產地，伊朗開心果價格較高，而伊朗開心果之下也分為不同級數，他選用質素較佳的伊朗開心果，油份豐富，果仁味也較濃。揀好開心果，便要想辦法把開心果與炒漿混合。Rocky一開始行錯冤枉路，直接把開心果醬放入攪拌機打爛，但由此打出來的開心果醬原來不夠細滑， 「試咗幾次都唔得，最後用專門來做朱古力的磨漿機去磨開心果，先夠滑。」開心果自帶油份，但每一批開心果內含油份都稍有差別，如果太少油，打出來的開心果醬會偏乾身，要加多些生油去平衡。Rocky說，開心果油份的多少，只能靠經驗去判斷，不能一本通書睇到老。成功的話，打出來的開心果醬會明顯見到帶點油份，色澤翠綠，不暗啞，湊近聞一聞，果仁香會攻上鼻一樣，濃得誇張。
切成1cm厚 少油慢火煎
打好開心果醬，年糕其實已經完成一大半。先把預先打勻的冰糖水、糯米粉、澄麵等，混合開心果醬，再過篩，便可以倒入模具，入爐蒸約45分鐘便完成。年糕出名難煎，開心果年糕則比普通年糕更柔軟更難控制，Rocky建議開心果年糕最好切成每塊1cm厚，落易潔鑊時不要加太多油，薄薄一層，稍為煎香糕面就食得。入口質感其實和年糕分別不大，較為軟身，一樣軟糯香口。最特別的當然是每啖都有濃濃果仁香，吃完一整件，口腔仍然有少少果仁香作aftertaste，如果你自問平時愛吃果仁，一定不會失望。
Pistacia Bros Cuisine
訂購電話：5703 4413
食物製造廠牌照：2951805501
全新訂座平台「Yahoo訂餐廳×Openrice」正式上線！
更多農曆新年賀年食品推介
盆菜優惠│盆菜優惠推介30間！免運費送$500餐飲券/低至每位$140/送蝦籽五味農場雞
年糕優惠│賀年糕點早鳥優惠推介30+！酒店年糕優惠/榮華低至$68/47折蘿蔔糕
蘿蔔糕｜15間高質蘿蔔糕推薦合集 早鳥優惠價/低至$92鮑魚蘿蔔糕/余均益辣椒醬口味+蟹粉
新年禮盒│賀年禮盒推介15間！低至$69皇玥曲奇/Lady M早鳥優惠/Godiva折扣
團年飯外賣｜外賣團年飯精選推介10間 酒店2人賀年餐/低至$173位/免運費攻略
迷你盆菜│二至四人盆菜外賣推介12間！人均低至$62/龍蝦蟹肉/酒店優惠
蝴蝶酥推薦│蝴蝶酥禮盒推介10間！$100以下皇玥優惠價/角落小夥伴/256摺極脆
蛋卷推介│送禮蛋卷禮盒推介10間 皇玥優惠價/手工蛋卷/海邊走走文青贈品
賀年食品│芋蝦限量逐粒炸！90年老字號傳人：做到令媽媽滿意係我最大目標
賀年食品│5大香港製造年貨推介 八珍芋蝦/多多鳥結糖/健康酥糖/手炒瓜子
>>按此下載<< 全新Yahoo APP，領取最新餐廳優惠、氣炸鍋食譜、自助餐優惠，仲有飲食達人教你識煮識食，讓你成為真正全面的美食家，仲唔立即下載？
