口罩小姐「孖四」張凱莎IG連環出8個Story 哭訴拍攝時受辱：估唔到你哋而家要靠屈人整容呃收視

曾參與ViuTV選美真人騷《最後一屆口罩小姐選舉》嘅「孖四」張凱莎（Belle），12強止步後繼續進軍娛樂圈，可惜演藝事業發展平平，最後重投空姐工作。喺今日（21日），佢突然喺IG連環出8個限時動態，疑似哭訴拍攝時被化妝師屈整容。

張凱莎今日凌晨時分喺IG出8個限時動態哭訴，分別寫上「垃圾，你哋自己慢慢玩啦」、「我對於你哋台從來都係充滿溫情和愛和回憶，我由零開始的時候，係你哋接納我，教育我，用愛訓化我，我只係估唔到今日要走到這一步，你哋今日真的太過分，不要怪我說真話」、「回到家才敢哭，比竇娥冤還冤，有日有人會為我平反昭雪嗎」、「我真的冇打任何嘢落面，天地良心，用家人貓咪性命狠狠發誓，屈完我會發達，你哋良心過意得去就去，我沒有打嘢入面頰」、「化妝師就化妝師啦我呸，屈人有打針喺度耀武揚威係發生咩事」、「老娘我面頰有打半針，即刻全家死晒7孔流血，你繼續屈我啦」、「估唔到你哋而家要靠屈人整容呃收視，不知所謂」、「若我知道回去是受辱，我打死都不會去，真的好痛，因為我對你們打開心扉了，原來大家都不把我當人看待，只當是低賤的動物，可以任意凌辱，哪怕插你一刀，還要裝模作樣，問你哎呀～剛才是不是很痛呢？」，之後佢再救助：「我係某電視台受咗一日委屈，想問有冇律師朋友，如果我面頰冇打過透明質酸，冇做過埋線，可唔可以告啲無知婦孺屈我，我真係冇做過。」

唔少網民到根據佢嘅IG限時動作出猜測，估計佢獲ViuTV邀請參加電視節目錄製，但因節目與整容有關已感到受辱，留言話「係唔係走左去玩美麗40路呀」、「邊個節目屈佢」、「咩節目」、「咩意思？ viu 有節目屈佢整容定點」、「到依家都唔知佢講乜節目」及「應該係viu有個所謂化妝師喺節目話佢打過針/埋過線，佢覺得無做過就好委屈咁，都想聽下個化妝師點講，正常就好難一口咬定一個人有打過針，仲要係出街既節目」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！