前微辣藝人逐漸上水 多姐拍片大談湊仔經 Rachel加入澳門樂隊仲有雞wing宣布婚訊

YouTube頻道微辣前經理人阿晶（Jane）上年7月份喺IG剖白自己喺患上抑鬱症及被微辣成員集體欺凌嘅事件始末，數日後就發生輕生事件，微辣頻道亦宣布暫停更新，一眾微辣旗下藝人遭到大批網民聲討及抵制。事件發生接近一年，唔少網民仍然記憶猶新，而潛咗水嘅微辣藝人喺今年逐漸上水，繼Doris多姐（李天慧）高調喺YouTube出新片之外，Rachel （劉藴晴）及雞wing（陳康榮） 都有喜事宣布，但網民反應兩極。

微辣「一姐」Doris多姐曾經同阿晶因「搶Job羅生門」而引起爭議，佢喺生完BB神隱6個月後上水，近日再拍片上載到YouTube，用好媽媽形象試水溫，與網民分享近況、產後修身及湊仔經，不過可惜網民反應兩極，雖然有網民支持佢復出，不過亦有網民重提阿晶輕身事件及鬧爆佢無恥。

Rachel喺今年3月宣布加入澳門樂隊「青原FIDA」，網民留言表示「你又出嚟欺凌邊個？」及「我會記住阿晶 你哋個個都係殺人兇手」等等，不過有網民發現其社交網站已經將與男友卡特嘅合照刪除，疑似已分手，結束7年情。至於雞wing方面，佢喺日前宣布成功求婚嘅喜訊，雖然有唔少網民留言祝福，不過亦有網民留言話：「呀晶都會恭喜你」、「微辣個班人冇一個係冇蘑菇」及「我真係代阿晶恭喜你，咁無人性都有得結婚」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！