港人習慣每個周末、長假期都北上走一轉,貪深圳近,消費平,交通又方便,所以都吸引不少人留宿一晚慢慢玩。如想發掘深圳旺區以外的新鮮感,不妨去遠少少,郊區近年有好多絕景靚民宿落成開業,間間都各具特色,有180度無遮擋海景,有希臘聖托里尼風,有日本侘寂風湯屋,又有北非摩洛哥色彩,總有一樣滿足到你!