27歲Kylie C.賀歲盃逼爆身材成焦點 獲網民讚好波

因疫情停辦4年嘅賀歲盃，噚日大年初四（13日）喺香港大球場上演，由多位世界盃冠軍級人馬組成嘅世界明星隊鬥香港明星隊，賽事吸引逾2萬人入場。除咗一班球星係焦點之外，為NowTV負責現場採訪嘅主持KOL Kylie C. （鄭杞瑤）同樣成為焦點，其玲瓏浮凸身形引起網民熱烈討論。

27歲嘅Kylie C擁有36E傲人身材，雖然佢已經著上紅色樽領衫，但貼身剪裁盡顯其逼爆身材，就算連出名好身材嘅受訪者鄧月平都被比下去，成功吸引在場人士及家庭觀眾目光。

喺噚日，Kylie C. 不時更新IG限時動態，除咗分享工作自拍照及與網民合照之外，佢仲轉發網民分享有關佢喺球場嘅片段。片段出街後，雖然有網民認為佢比兩年前肥，不過仍然有唔少網民大讚佢正及「好波」，例如「kylie 女神」、「好立體，全球觸目」、「支持本地波」、「真正愛美神飛彈」、「依家正啲」、「正到痴線」及稱佢為「香港隊最有價值球員」等等。

Kylie C.曾於修讀犯罪心理學，畢業後返回香港曾任行為治療師。喺2021年，Kylie C參加《2021亞洲模特盛典香港賽區暨ACE演藝大獎》奪得演藝亞軍及 「Face of Hong Kong」模特兒冠軍，去到前年，佢憑ViuTV戀愛真人騷《戀愛Staycation》人氣大增，之後再以TripleMay之名參加ViuTV另類選美節目《尾二一屆口罩小姐選舉》、《Food Buddies》及《夏の競技》等等。另外，佢仲係一名忠實嘅阿仙奴球迷，除咗喺NowTV《絲打講英超》擔任主持之外，佢仲喺社交網站分享足球資訊，至今IG已有超過18萬名追蹤者。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！