電影LOL︳《從前的我們》導演浪漫喜劇新作 美國隊長Chris Evans搭格雷女十足超級英雄片

去年芸芸電影當中，《從前的我們》(Past Lives)係唔少人嘅心水之選，嗰種淡淡哀愁其實有好大後勁，諗起都會乸住乸住。更難得係，《從》嘅韓裔加拿大導演Celine Song原本係舞台劇作家，《從》係佢第一套作品就一鳴驚人，咁當然會有第二套啦。

外媒報導，Celine Song會同出品《從前的我們》嘅A24再度合作浪漫喜劇Materialists，故事以紐約為背景，講述一個摩登紅娘同有錢人交往後，仲依然掛住「不日成名」甚至窮到要做兼職侍應維持生計嘅前男友。

至於卡士，據知女主角會係即將上映Marvel新片《蜘蛛夫人》嘅Dakota Johnson，亦即係《格雷的50道陰影》嘅女主角。而男角就會有《超級隊長》Chris Evans……喂，可以拍套超級英雄片喎。不過呢類戲呢期多數仆……而另一位男角就會係《權力遊戲》入面演Oberyn Martell嘅Pedro Pascal。咁但係邊位男星演有錢人呢，就暫時仲未落實。

有傳電影到今年5月先至開鏡，而負責全球發行嘅A24將會喺嚟緊2月中嘅European Film Market度接洽各地區發行權。

更多電影文章

電影LOL 賀歲睇咩戲︳盜月者／臨時劫案／飯戲攻心2／鴨仔也移民／紅毯先生

電影LOL 金像獎2024︳滄海遺珠逐粒數 《命案》林家楝Lokman冇份爭男演員獎好費解

電影LOL︳複製《人工殺姬》票房奇蹟？新片Imaginary魔性熊寶寶打搞細路

電影LOL︳《魔盜王》部署飛起尊尼特普 The Bear黑人女星有望接棒

電影LOL︳許鞍華擔任柏林影展國際評審 評選競賽單元得獎電影

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！