糖妹被指童顏不再變糖嬸 36歲回復單身抱寧缺勿濫心態

36歲糖妹（黃山怡）以嬌小身型和甜美可愛童顏見稱，外表睇唔出其真實年齡，不過由2021年開始將齊蔭招牌髮型改成露額造型示人，樣貌愈見成熟；近日，糖妹於社交平台PO出新片，更被網民指Baby Face不再。

糖妹於社交平台分享翻唱Gareth.T歌曲《緊急聯絡人》短片，唱歌時不時閉上雙眼，相當投入，唔少網民都留言指糖妹唱得好有感覺，不過都有網民認為始終唱唔到Gareth.T嗰種意境。然而，又有網民將焦點放於糖妹外貌上，感慨糖妹個樣成熟咗好多，童顏不再：「糖妹個樣成熟了好多」、「因為不年輕了」、「糖嬸」、「其實當年邊個叫佢宅男女神」、「唔講我真係認唔出係糖妹」等等。

糖妹積極發展事業嘅同時，亦會考慮家庭責任，所以一直以嚟都好慳家，除咗多次被影到以公共交通工具代步，亦投資有道，入行就已經買保險，最高峰共買咗20多份保險，有啲已經供完；糖妹亦有投資黃金及買入黃金ETF作長綫投資，另外曾肩負弟弟赴英國讀大學嘅費用，每年大約30萬學費。感情方面，糖妹去年透露與喺日本做經商嘅男友已和平分手，直言異地戀唔容易維繫感情，已回復單身嘅佢就表示寧缺勿濫，認為感情事唔可以急。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！