李龍基「CEILNE」衛衣探未婚妻王青霞 被揭淘寶同款最平69蚊人仔

李龍基細36年未婚妻王青霞（Chris Wong）日前涉逾期居留、使用虛假文書等6項控罪，現正於大欖女懲教所還押看管，李龍基連續多日前往探訪，接受媒體訪問時表示等Chris出嚟一定會娶佢，仲話喺邊到簽紙都無所謂，認真痴情。不過，更多人留意到嘅係李龍基一身名牌打扮，有熟悉名牌嘅網民就質疑真偽，又有網民於淘寶搵到同款衫。

李龍基首日去探望Chris時，孭着LV Messenger Bag、LV Christopher背囊、PRADA運動鞋及Patek Philippe手錶，相信全身造型價值逾40萬元。不過，唔少網民紛紛將李龍基嘅服裝與品牌網站照片作對比。李龍基更連續兩日穿著一件印有「CEILNE」嘅長袖白色衛衣，驟眼看與名牌CELINE嘅串法非常相似，有網民發現其同款衛衣於淘寶售人民幣69至89元（約港幣76至98元），李龍基回應傳媒有關A貨之傳言，佢就回應指自己問心無愧，唔會嬲，又指A貨係連名都抄，自己所着嘅並唔係嗰個名牌貨，平靚正，覺得冇問題，以及認為大中華出品必屬佳品，唔少網民就嘲笑李龍基係咪故意著A貨去探訪Chris：「係咪暗示緊條女係a貨」、「專登著件A貨」、「肯定係比條女淘寶完之後當名牌送比佢」、「肯定條女求其送件衫畀佢，呃基哥唔識英文」、「字都串錯唔算A貨喇」及「就係特登著呢件錯體衫去見條女」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！