雅虎香港新聞 土瓜灣美食︱時光倒流價！街坊小店賣$48豐富全日早餐+$32 班戟+蘋果沙律
普遍都接近百元甚至過百一份的全日早餐，在土瓜灣這間小店竟然找到有48蚊一份！全店其他食品都走良心價！即睇Yahoo Food專訪：
「香港地食嘢越嚟越貴」已是大眾共識，但與其在網上做鍵盤戰士出文批評，不如找找身邊有無未被發掘的滄海遺珠？土瓜灣江西街這間開業半年的小店"Day and Night Cafe"，餐廳招牌三寶：全日早餐（$48）、班戟（$32）、新鮮蘋果沙律（$32）全部都是時光倒流價，還全日供應，平過連鎖店！
👉🏻全新Yahoo Food Instagram上線啦！立即Follow獲取更多飲食攻略
街坊開舖 訂價親民
九十後店主Dylan也是土友（土瓜灣街坊），兩年前已在同區開設凍肉食材商。「開咗一排，同啲街坊熟咗，發現土瓜灣係一個貧窮懸殊幾厲害嘅地區。一方面有靚餐廳靚cafe，另一邊主要是茶餐廳 。但就缺乏了中間點，街坊成日都話已經食到悶，搵唔到親民但又坐得舒服嘅地方。」今次有機會開餐廳，他希望自己開的餐廳可以是街坊平平地食嘢的聚腳點，因此當初為All Day Breakfast定價都無掙扎太久，暫時亦無打算加價。
全日供應的all day breakfast，有七款配料包括炒滑蛋、白肉腸、蘋果沙律、煙肉、茄汁焗豆、薯餅、多士。
七種配料 $48全日早餐
首次來到，當然是要點All Day Breakfast，每份都有七款配料包括炒蛋、多士、薯餅、茄汁豆、煙肉，連香腸也不求其，用香草豬肉腸，煎得香口。每份配料都頗為大份，肯定吃得飽飽。三大塊班戟 一樣抵食（$32），看到這價錢，以為一定是用來貨餅皮自己煎再加糖漿，問過店主才發現，班戟粉漿竟然是自己調配！連醬汁都有誠意，五選一，Dylan就說其實醬汁可以選兩款而不用加錢。同價錢的還有蘋果沙律，聽上去不太特別，但沙律用的蘋果都是用新鮮蘋果切粗粒而成，另加了一隻溏心蛋，當食個健康下午茶都抵。
新鮮蘋果切粒配溏心蛋，蘋果爽甜。
牛奶班戟加朱古力醬及士多啤梨醬。
想要點飽肚的，這裏有幾款價格稍為正常的定食，$60／份左右，有日式咖哩／叉燒／餃子／牛肉／雞扒／豚肉，最貴的鰻魚都是$65／份，前菜足料，主食大大份。值得一提的是日間menu會維持至九時，小店黃昏七時後就會變身串燒店，一樣走抵食街坊價路線。
定食另有雞扒、吉列豬扒、吉列魚柳及店揚炸雞可揀，份量絕丼不少。
Day and Night Café
地址：土瓜灣江西街5號地舖（地圖按此）
電話：55953929
全新訂座平台「Yahoo訂餐廳×Openrice」正式上線！
更多土瓜灣美食推介
土瓜灣美食︱街坊車仔麵店$41三餸麵 加蝦殼熬成湯膽！入味瑞士汁雞翼
土瓜灣cafe︱型格全黑咖啡店 黑色炸豬扒包+巨型安格斯漢堡包+竹炭latte
土瓜灣美食︱一喜車仔麵店抵食$49九餸麵！賣傳統汕尾米粿+手工魷魚丸
土瓜灣食廈新派中菜「聚聚」 火焰鹹豬手+煙燻豉油雞+一人椰皇花膠
楚撚記大排檔土瓜灣總店搬大舖 每日半價試新菜＋$99生啤放題 蒜蓉粉絲蒸元貝皇/拔絲焦糖香燒脆腩仔/鮮味黃金時令蟹粥
土瓜灣漫花燈火OMG萬花筒七彩打卡餐廳 流心竹炭撻+夢幻tea set+雲朵造型麻糬
鴻福海鮮四季火鍋月底結業土瓜灣老店 獨特炭爐風味 曾成《無間道》場景
土瓜灣美食│小巷高質地道泰菜 泰籍大廚坐鎮 $58濃厚咖喱雞麵
【土瓜灣美食】棄澳洲賭場高薪返港開中菜館 主打懷舊+創新粵菜 必食芝麻雞
【土瓜灣美食】$184/人金蠔雞煲！任食烤魚煲/海鮮/靚牛/麻辣四寶
【今晚食乜好】唔知今晚食乜餸？立即去Yahoo Food 食譜專頁搵靈感
>>按此下載<< 全新Yahoo APP，領取最新餐廳優惠、氣炸鍋食譜、自助餐優惠，仲有飲食達人教你識煮識食，讓你成為真正全面的美食家，仲唔立即下載？
